O le ta‘iala i le faiga o se talosaga
O le ta‘iala i le faiga o se talosaga (PDF 53 kb)
Na o le pau lava le mea e te faia i le faiga o se talosaga o le telefoni lea o le matou telefoni e leai se totogi – 0800 326 243 Po‘o le faia o lau talosaga i luga o le initaneti.
Ua uma ona fa‘aulu lau talosaga i le Komisi o Mafui‘e. O le ā le mea e soso‘o ai? O le ta‘iala lenei ma ona sitepu ta‘itasi aga‘i i le fa‘agasologa o le faiga o fa‘ai‘uga o talosaga e le EQC ma ua tali atu ai i nisi o fesili e masani ona fesili mai ai e uiga i mea e talia e le EQC.
Atonu sa na ona e fesilisili mai e uiga i le EQC ma ua e masalosalo pe aisea ua avea ai lau telefoni mai o se talosaga. O lenei faiga e mautinoa ai sa fa‘amaumauina ma ua faia iai se galuega tatau. O le a lē a‘afia ai lau tupe totogi po‘o ni au talosaga i le lumana‘i – e leai se ponesi po‘o se tupe fa‘aopoopo fua a le EQC mo le leai o se talosaga.
O le fa‘agasologa o le faiga o fa‘ai‘uga o talosaga
- E lafo atu e le EQC le tusi e fa‘ailoa atu ai ua latou maua lau talosaga. O lea a matou tōfia se matou sui e asiasi i le mea na tupu ai le fa‘alavelave ma faia mai se lipoti iā matou, ae afai o mea na lē iloa pe fa‘atama‘ia oni mea laiti o lou fale po‘o meāfale, o le a matou lafoina atu se pepa talosaga e te fa‘atumuina.
- E fa‘afeso‘ota‘i e le EQC lau kamupani inisua mo le fa‘amāoniga o oe o lo‘o faia lau inisiua I le taimi nei. O nisi taimi o le a matou mana‘omia lau fesoasoani i lea tulaga. E faia lea tulaga a‘o fa‘agasolo isi sitepu e soso‘o ai.
- Afai e mana‘omia, o le a tofia e le sui o le EQC se tagata ua fa‘amaonia (resitala) le avea ma se tasi e fuafuaina tau o mea, na te fuafuaina le tau o mea ua fa‘aleagaina. E faia fo‘i e le EQC se tau fa‘atatau o mea e toe fa‘afou.
- Afai e ogaogā le leaga ma lamatia ai le fale ma le fanua, o le a talosagaina loa se inisinia e faia se ripoti i le EQC.
- A maua uma loa e le EQC fa‘amatalaga e uiga i lau talosaga, o le a fa‘amatalaina atu loa e le matou sui ia te oe le fa‘ai‘uga o lau talosaga.
- Pe‘ā fai loa e talia le fa‘ai‘uga, o le a matou totogia loa oe, le kamupani o lo‘o iai lau mokesi po‘o le kamuta le aofa‘i o le tupe e pei ona iai tu‘utu‘uga o le fa‘ai‘uga.
O le ā le umi o le a fa‘atali ai le fa‘ai‘uga o la‘u talosaga?
Afai e faigofie ma leai ni fa‘afitāuli o lau talosaga mo lou fale ma meāfale, e tatau ona maua le fa‘ai‘uga i le tasi le masina. E ono umi se taimi e fa‘atali ai pe‘āfai lea e mana‘omia nisi fautuaga mai tagata popoto, po‘o lau talosaga ua faia tonu lea i le taimi o se mala fa‘alenatura i totonu o Niu Sila.
Fa‘asiliga
Mo talosaga e aofia ai lou fale po‘o lou fale ma meāfale, e te totogia le tupe fa‘asili (excess) e $200.00 mo talosaga e $20,000.00 pe i lalo ifo. Afai o lau talosaga e ova atu ma le $20,000.00, o le tupe fa‘asili e totogi e tusa lea ma le tasi le pasene o le aofa‘iga o le talosaga. Mo talosaga na o meāfale, e $200.00 le tupe fa‘asili e totogi, e tusa lava po‘o le a le aofa‘iga o lau talosaga.
O ā mea e mafai ona toe taui atu e le EQC?
E mafai e le EQC ona taui atu tagata talosaga mo le fa‘alēaogaina po‘o le fa‘aleagaina o:
- fanua ei totonu o le 8 mita mai lou fale po‘o faletetele e tautuaina lou fale;
- le fanua o iai le auala autū – e o‘o atu i le 60 mita mai lou fale po‘o faletetele e tautuaina lou fale.
E mafai fo‘i e le EQC ona totogi nisi o fa‘avae puipui, auala laupapa ma alāvai i lalo o auala.
Va‘ai le Ta‘iala Mo E Ona Fale a le EQC po‘o le Fa‘avae a le Komisi o Mafui‘e mo nisi fa‘amatalaga au‘ili‘ili.
O le a le umi o le a iai i le faia o se fa‘ai‘uga o la‘u talosaga?
O talosaga mo fanua, pā puipui, alāvai i lalo o auala ma mea e leaga o auala laupapa e ono faigatā ona iloilo. E tolu masina le taimi e māsani ona avea e faia ai fa‘ai‘uga o talosaga. Aepeita‘i, o le taimi sa‘o e fesuisuia‘i e fa‘atatau i le lavelave o le leaga ma fa‘apea ai ma uiga o le tau. Matou te taumafai e fai fa‘ai‘uga o talosaga faigofie i totonu o le lua masina.
Fa‘asiliga (excess)
Mo talosaga o fanua, o le tupe fa‘asili e totogi e tusa lea ma le 10 pasene o le fa‘amanuiaga i le fa‘ai‘uga o le talosaga i le maualalo e $500.00 a‘o le maualuga e $5,000.00.
E fa‘apefea ona faia e le EQC taui?
O le a totogi e le EQC le tau e pito i maualalo o le totogi o lou fanua ua fa‘aleagaina, fa‘avae puipui, auala laupapa ma alāvai i lalo o auala i le taimi na fa‘alēaogaina ai, po‘o le tau o le toe fa‘afouina.
E fia o le a totogi e le EQC?
O le inisiua na sauniunia e le EQC mo fanua, pā puipui, auala laupapa ma alāvai i lalo o auala E LĒ o se inisiua e toe suia atoa ai se mea. O le maualuga e mafai e le EQC ona totogi o le tau lea o le fanua, pā puipui, auala laupapa po‘o alāvai i lalo o auala i le taimi na fa‘alēaogaina ai. E tōfia e le EQC se tagata resitala i le fuafuaga o le tau o mea na te fuafuaina le tau o lou fanua o lo‘o inisiua.
E mafai e le EQC ona latou totogia le tau mo pā puipui fou?
Leai, se‘i vaganā o lou fale po‘o lou fanua o lo‘o lamatia pea mai le mea na tupu. O nisi aiaiga e fa‘aaogā i lenei itū‘āiga o talosaga fa‘apitoa.
E mafai e le EQC ona latou totogia le puipuiga o lo‘u fale ma le fanua mai mala i le lumana‘i?
I nisi o tulaga, i le mulimuli ta‘i ai lea i se fautuaga a se inisinia, e ono mafai ai e le EQC on fa‘atupe galuega e puipui ai se fale ma se fanua o lo‘o inisiua, ‘ae o lo‘o lamatia pea mai le mala fa‘alenātura na tupu. I se tasi itū, o lau matāfaioi o le puipuia lea mai mea e tutupu i le lumana‘i.
Pe afai ae iai sou pōpōlega i lau talosaga, e muamua ona e fa‘afeso‘ota‘ia le sui o le EQC po‘o le tagata o lo‘o nafa ma lau talosaga i totonu o le EQC.
Afai e iai sou fa‘afitāuli ua lē mafai ona maua iai se tonu i lenei faiga ona fa‘afeso‘ota‘i lea o le pule o le inisiua a le EQC i le 0800 652 333.
E mafai ona e apili i le Komesina o Sulufa‘iga (Ombudsman) pe‘āfai ua uma ona e fa‘afeso‘ota‘ia le pule o le inisiua, ae o lo‘o e popole pea talu ai e te lē o mauaina ato‘atoa fa‘amanuiaga i lalo o le Fa‘avae a le EQC.